Að lesa stafræna list

Ég tók mér það bessaleyfi að breyta vefmyndavél RÚV í "lifandi" málverk.

(Kannski rétt að taka fram að verkið kann að vera fjölbreyttara í dagsbirtu.)

http://pallit.lhi.is/hekla/applet

	Gæti gosið með skömmum fyrirvara
Ábyrgðarmaður færslu Tilkynna um óviðeigandi tengingu við frétt

Smá myndband sem ég bjó til úr beinni útsendingu á hátíðarhöldunum

Inaugurationanimation from Pall Thayer on Vimeo

	Obama sór embættiseið aftur
Ábyrgðarmaður færslu Tilkynna um óviðeigandi tengingu við frétt

"Meiri vitleysan!" hrópum við hér á skerinu. En það vakna ýmsar áhugaverðar spurningar við svona mál. Það vill svo til að ég er nýbúinn að ljúka nýju listaverki sem fjallar akkúrat um þetta og sem meira er, það er aðgengilegt á netinu:

http://pallit.lhi.is/nude_studies

 Verkið notar einmitt nekt til að skoða hvernig mismunandi þjóðfélagshópar um allan heim hafa mismunandi skoðanir á málum. Annað sem flettist inn í þetta er það að háhraða upplýsingafluttningur nútímans hefur gert það að verkum að við virðumst stundum gleyma því að þetta er að gerast langt í burtu þar sem gilda önnur viðmið. Þó má nú færa rök fyrir því að stúlkan er alls ekki nakin á myndinni og þar að auki er Annie Liebowiz virt og viðurkennd listakona og nekt í listum nýtur ákveðinnar sérstöðu í flestum vestrænum ríkjum. Þetta er mál sem franski heimspekingurinn Paul Virilio fjallar mikið um og varð að mörgu leiti kveikjan að listaverkinu fyrrnefnda. Þess má geta að verkið birtist í smækkaðri mynd á netinu. Aðeins fjórar staðsetningar sem koma þar fram. Ég er á leiðinni til Montreal að setja verkið upp í galleríi og þar verða 12 staðsetningar sem túlka nektarmyndir hver með sínum hætti.

	Barnastjarna biðst afsökunar á myndum
Ábyrgðarmaður færslu Tilkynna um óviðeigandi tengingu við frétt

Þetta er undarleg frétt. Saatchi vefgalleríið er opið öllum sem vilja skrá sig. Er það þá fréttnæmt að einn Íslendingur hefur skráð verk í keppnina? Ég er viss um að það séu fleiri Íslendingar sem taka þátt, er ekki þá réttast að skrifa frétt um þá líka? En fyrir utan það þá finnst mér að listamenn ættu að fara varlega í að láta tengja sig við svona fyrirbæri. Fyrir mér er þetta algjörlega metnaðarlaus framsetning. Þarna fer ekki fram neitt mat á því hverjir fá að vera með né heldur hverjir fá að kjósa. Þetta er meiri vinsældarkeppni en myndlistakeppni. Hverjir geta hóað saman flesta vini og vandamenn? Fyrir þá sem vilja láta taka sig alvarlega í myndlistinni getur þátttaka í slíku gert meiri skaða heldur en gagn.

	Tekur þátt í keppni netgallerís Saatchi
Ábyrgðarmaður færslu Tilkynna um óviðeigandi tengingu við frétt

Mér finnst notalegt að halda í þá trú að nágrannaþjóðir okkar eru tilbúnar til að aðstoða okkur í varnarmálum vegna þess að þær virða okkur fyrir að vera friðsæl lítil þjóð í miðju Atlantshafi. Þetta er ef til vill svolítið barnaleg hugsun en mér finnst hún góð. Mér finnst líka svolítið kjánalegt að tala um varnir Íslands á eigin ábyrgð. Hvað verður þessi varnarsveit okkar stór? 2000 manns? Kannski 4000 ef í hart sækir. Ekki tel ég að slík sveit muni koma að miklu gagni ef það verður ráðist á okkur.

En svo er allt annað mál sem ekki hefur verið í umræðunni. Með því að vera her- og varnarlaus erum við að stuðla að friði í heiminum á annan hátt en í orðum. Við erum að sniðganga "stríðsvélina" og þá á ég ekki við "stríðsvél" Deleuze og Guattari heldur þau markaðsöfl í heiminum sem hafa viðurværi sitt af stríðsrekstri. Vopnaframleiðendur og framleiðendur herflutningatækja. Fyrirtæki á borð við Lockheed-Martin, Honeywell og Northrop Grumman. En þetta eru auðvitað ekki einu fyrirtækin. Það eru miklu fleiri og jafnvel á norðurlöndum eru fyrirtæki eins og Nordic Ammunition Group og BAE Systems. Þeir fara ekki á hausinn þótt við skiptum ekki við þá en við getum að minnsta kosti huggað okkur við það að þessi (enn sem komið er) friðsæla þjóð okkar er ekki að styrkja starfsemi slíkra fyrirtækja sem græða á tá og fingri á manndrápi og eyðileggingu. Ef við eigum svo mikla peninga að við sjáum fram á að geta rekið her, leggjum þá frekar í eitthvað jákvætt, t.d. alþjóðleg þróunarmál.

Kannski ættum við að stofna Íslenska Geimferðastöð. "Sá tími er liðinn, að Ísland þurfi engum peningum að verja til að skoða geiminn og sá tími er kominn, að Ísland axli sjálft ábyrgð á eigin geimferðum."

	Ísland axli ábyrgð á eigin öryggi
Ábyrgðarmaður færslu Tilkynna um óviðeigandi tengingu við frétt